Bin auf an Banklan gsessn, wår sebm noch a Bua,
ban Brindlan von Petar und von Paule dazua.
Untar dar S_chtråßburg, lieg dås Platzle vars_chteckt,
von uns Fråtzn, ban S_chtiarzln, a beilafe entdeckt.

So hon i durt gråstat, s`Wåsar tuat mundn,
umar gepleapart und a Glåsflaschle gfundn.
As sege befüllt mit den Tranklan den klårn,
gaxtamål kinnat`s an Durs_cht a dars_chpårn.

Zwegs`n Bledheitn måchn und`n Dirndlan seggiarn,
går auf`s Trinkn vargessn, wår hålt a rotzige Birn.
Daham håb i s`Flaschle in a Kistale gs_chtöllt,
waß heite a neamar, wås i damit hätt` gwöllt.

De Jåhr send vargångan, bin öltar a wårn,
umar zigeinart, de Wölt weit um gfåhrn.
Ba jedar S_chtation, wår in Köffarlan drinn,
dås bauchate Flaschle, es is heit noch nit hin.

Meinar Söl, såg i, hon`s a nianit beåchtat,
umar gezahrt und nit genauar betråchtat.
So håt`s hålt gedauart, bis i kem bin zua Ruah,
wår woll a Zeit, amål is a s`Furtfliagn gnua.

So nihm i dås Flaschle, håt si`s Wåsar varfiarbt,
inwende drinn goldn, da håb is probiart.
Hon a Fedarle gnomman und tiaf eine getaucht,
gschriebm håt`s, bis mar de Klåpparn håmb graucht!

Zers_cht håb i gmant, mei Fedar is hin,
de kratzlt in Mundårt, sege is ihrn in Sinn.
Heint kånn i sågn, mei Tintn is gwesn,
Magie aus`n Faßlan, ament wollts as lesn?